Sámi logut muitalit / Saemien låhkoeh soptsestieh lea akte fïerhtenjaepien bæjhkoehtimmie lahtestamme saemien statistihken bïjre gelline ovmessie faagesuerkine. Bæjhkoehtimmie lea akte gille bæjhkoehtimmijste mij aktem vijries jïh bijjemes bijjieguvviem vadta gelliej faagesuerkiej bijjeli mah leah joekoen sjyöhtehke dejtie mah daajroem saemien tsiehkiej bïjre daarpesjieh. Menyjesne åelkiesbielesne gaavnh mah tjaalegh mah leah bæjhkoehtamme daan raajan.

Saemien låhkoeh soptsestieh redigeradamme sjidtieh Faageles analyjsedåehkeste saemien statistihkese maam tjïelte- jïh orrestimmiedepartemeente nammohte Saemiedigkine ektine akten boelhkese mij njieljie jaepieh ryöhkoe.

Snefrid Møllersen (Healsoe Finnmaarhke) lea analyjsedåehkien åvtehke jïh doh jeatjah lïhtsegh leah Torkel Rasmussen (Saemien jïlleskuvle), Julie Aslaksen (Statistisk Sentralbyrå), Per Tovmo (NTNU) jïh Mikkel Berg-Nordli (NIBR, OsloMet).

Torunn Pettersen lea analyjsedåehkien koordinator. Gåarede gyhtjelassh, lahtestimmieh jïh raerieh saemien statistihken bïjre seedtedh e-påastese diekie: torunnp@samas.no.