Sáme lågo subtsastij la jahkásasj almodus tsuojggiduvvam sáme statistihka birra moattelágásj fágasuorgij gáktuj. Almodibme l akta gallegasj almodimijs mij vaddá vijddásasj gåvåv fágasuorgij birra ma li sierraláhkáj guoskavattja sidjij gejn la dárbbo máhtudahkaj sáme vidjurij birra. Menijjan oalgesbielen li artihkkala ma li dálátjij almoduvvam.

Sáme lågo subtsastij dárkestuvvá Sáme statistihka fágalasj analijssajuohkusis gudi nammaduvvi Suohkan- ja ådåstuhttemdepartementas aktan Sámedikkes nielje jahkáj ájgen.

Analijssajuohkusa jådediddje l Snefrid Møllersen, Helse Finnmarko. Ietjá sebrulattja li Torkel Rasmussen Sáme Allaskåvlå, Julie Aslaksen Statistisk Sentralbyråa, Per Tovmo NTNU, ja Mikkel Berg-Nordli, NIBR, OsloMet.

Torunn Pettersen la analijssajuohkusa koordináhtor. Gatjálvisájt, tsuojggidusájt ja árvvalusájt sáme statistihka birra máhtá suv e-poasstaj sáddit: torunnp@samas.no.