Reektehtseraajroe Sámi logut muitalit /Saemien taalh soptsestieh lahtestamme saemien statistihkem vaeljehke teemaj bïjre åtna. Doh fïerhtenjaapetje reektehtsh maehtieh sjyöhtehke årrodh gaajhkesidie mah daajroem saemien tsiehkiej bïjre daarpesjieh. Menyjemieresne BÆJHKOEHTIMMIEH bijjielisnie gaajhkh bæjhkoehtimmieh jïh aktegstjaalegh gååvnesieh mejtie lea daan mearan bæjhkoehtamme.

Faageles analysedåehkie saemien statistihkese /Faglig analysegruppe for samisk statistikk reektehtsidie tjåanghkan beaja. Saemiedigkie jïh don baelien Barkoe- jïh ektiedimmiedepartemeente ektesne analysedåehkiem tseegkin jaepien 2007. Orrestamme bïevnesh analysedåehkien ulmien jïh njoelkedassi bïjre leah Tjïelte- jïh dajvedepartemeenten nedtesijjesne (svaalhtese).

Daan njieljiejaepienboelhkese (2022-2026) doh vïjhte lïhtsegeinstitusjovnh leah daejtie tjirkijidie nammoehtamme;

  • Saemien jïlleskuvle: Inger Marie Gaup Eira, voestesamanuensise (sæjjasadtje: Line Aimee Kalak, jïlleskuvlelektovre)
  • Noerhte Universiteete: Lars Kirkhusmo Pharo, professovre (sæjjasadtje: Bent Eliassen)
  • UiT Nöörjen arktiske universiteete: Eva Josefsen, professovre (sæjjasadtje: Jan-Erik Henriksen, dosente)
  • Statistisk sentralbyrå (SSB): Christian Molstad, raeriestæjja (sæjjasadtje: Anders Sønstebø, seniorraeriestæjja)
  • Oslo Met – stoerrestaareuniversiteete: Cato Christensen, voestesamanuensise (sæjjasadtje: Mona Myran, kontovreåejvie)

Tjaelemegoevtese, mij dïedtem åtna don dæjpeles sjïehteladtemen jïh guhkiebasse barkoen åvteste analysedåehkien barkoste lea Saemien jïlleskuvlese bïejesovveme, jïh tjaelemegoevtesisnie Inger Anne Anne Siri Triumf, Mai-Lis Eira jïh Sara Marit Ravdna O. Skum.

Gaskesadtemebïevnesh: